Ujymdyq qaýipsizdik kelisim týraly shart uıymynyń áskeri bir aptanyń aınalysynda elden qaıtady. Bul týraly QR Prezıdentiniń baspasóz hatshysy Berik Ýálı «Habar 24» telearnasyna bergen suhbatynda aıtty.
«Ujymdyq qaýipsizdik kelisim týraly shart uıymynan kirgen kúshtiń negizgi mıssııasy - elimizde strategııalyq nysandardy kúzetý. Taǵy qaıtalap aıtamyn, strategııalyq nysandardy Ujymdyq qaýipsizdik kelisim týraly shart uıymynyń áskeri qorǵaǵandyqtan, bizdiń qarýly kúshterimizdiń, Ulttyq ulannyń áskerleri terrorıster kóp shoǵyrlanǵan Almaty qalasy, Almaty oblysy jáne basqa da óńirlerde solardyń kózin joıýǵa erkin múmkindik aldy. Iаǵnı, bizdiń strategııalyq nysandardy Ujymdyq qaýipsizdik kelisim týraly shart uıymynyń áskeri qorǵaıdy da, ózimizdiń áskerıler barlyq terrorısterdiń kózin joıýǵa árekettendi. Bul bizge úlken kómek boldy», dedi Memleket basshysynyń baspasóz hatshysy.
Onyń aıtýynsha jalpy jaǵdaı turaqtalǵan soń, UQShU elderi áskerleriniń mıssııasy aıaqtalatynyn aıtty.
«Olardyń eshqaısysy qalmaıdy. Birden óz elderine ketedi. Ujymdyq qaýipsizdik kelisim týraly shart uıymy degen jalǵyz Reseı ǵana emes, ózderińiz bilesizder. Bıyl tóraǵalyq etip otyrǵan Armenııa bar, Belarýs, Tájikstan bar. Bul áskerdiń bári kóp turaqtamaıdy. Ary ketse bir apta kóleminde ketedi. Múmkin, oǵan da jetpeıdi. Bári qaıtarylady. Onyń ústine qazir bilip otyrsyzdar, jaǵdaı turaqtalyp kele jatyr», dedi Berik Ýálı.