Qazaqstan Prezıdenti Qasym-Jomart Toqaev eldegi tártipsizdikterdi jaqsy daıyndyqtan ótken kásibılerdiń shabýylyna balaǵanyn habarlaıdy Egemen.kz.
«Almaty men ózge qalalarda naǵyz shaıqas boldy. Máselen, Almatyda polısııa departamentiniń ǵımaraty mańyndaǵy urys 2 túnge sozylǵan. Polıseıler terrorısterdiń shabýylyna toıtarys berdi. Bir ǵana Almatyda 7 qarý dúkeni basyp alynǵan. Bul – jaqsy daıyndyqtan ótken kásibılerdiń, onyń ishinde arnaıy vıntovkalary bar snaıperlerdiń áreketi», dedi Qasym-Jomart Toqaev Ujymdyq qaýipsizdik týraly shart uıymynyń kezekten tys otyrysynda.
Prezıdent terrorısterdiń jeke baılanys quraly bolǵanyn, olardyń áskerıler men quqyq qorǵaýshylardyń formasyn kıgenin atap ótti.
«Olar arsyz túrde jappaı tártipsizdik qatysýshylarynyń arasyna jasyrynyp, tiri qalqan retinde qoldandy. Polıseıler men áskerı qyzmetshilerge sany boıynsha bes ese kóp bandıtter shabýyl jasady, olardy asqan qatigezdikpen azaptady, eki polısııa qyzmetkeriniń basy kesildi. Aýrýhanalarǵa da varvarlyq shabýyldar boldy. Memleket resýrsyn túgesý úshin shabýyl uıymdastyrýshylar úlken maıdan ashty. Agressııa bir ýaqytta 11 óńirdi qamtydy», dedi Memleket basshysy.