UQShU Qazaqstanda áskerı kontıngentti óristetýdi tolyq kólemde aıaqtady. Bul týraly Ujymdyq qaýipsizdik týraly shart Uıymynyń Bas hatshysy Stanıslav Zas málimdedi, dep habarlaıdy Egemen.kz.
«Keshe ǵana biz kontıngentimizdi ornalastyrýdy tolyq kólemde aıaqtadyq. Tórt táýlik ishinde Reseı Federasııasynyń áýe-ǵarysh kúshteriniń ushaqtary 108-den astam ushaq-reıs jasady», dedi Stanıslav Zas UQShU Ujymdyq Qaýipsizdik Keńesiniń kezekten tys sessııasynda sóılegen sózinde.
Ujymdyq bitimgershilik kúshteriniń kontıngentteri elordada, Almaty qalalarynda jáne Almaty oblysynda ornalasqandyǵy atap ótildi.
Komandalyq pýnkt Almaty qalasyndaǵy Qurlyq áskerleri Áskerı ınstıtýtynyń bazasynda ashyldy. Áskerı kontıngentterdi materıaldyq-tehnıkalyq jaraqtandyrýdy jiberýshi memleketter, sondaı-aq ekijaqty jáne kópjaqty negizde uıymdastyrdy. Qazaqstandyq tarappen kelisilgen operasııa josparyna sáıkes ujymdyq bitimgershilik kúshter jaǵdaıdy turaqtandyrý úshin mańyzdy áskerı jáne memlekettik obektilerdi kúsheıtý jáne qorǵaý jónindegi mindetterdi oryndaýǵa kiristi», dep tolyqtyrdy Stanıslav Zas.