Shekara qyzmetiniń aýmaqtyq bólimsheleri terrorızmge qarsy operasııanyń bastalýymen derbes, sondaı-aq quqyq qorǵaý organdarymen birlesken toptardyń quramynda qoǵamǵa qarsy aksııalarǵa qatysý kúdigi boıynsha 366 adamdy ustady, olardyń 6-y qarsylyq kórsetý kezinde jaraqat aldy, dep habarlaıdy Egemen.kz QR UQK baspasóz qyzmetine silteme jasap.
Operasııa kezinde: 30 birlik qarý, atap aıtqanda 22 tegis uńǵyly, 3 karabın, 5 tapansha, 245 birlik oq-dári, 2 birlik sýyq qarý, segiz radıostansııa, 4 oq-dári alyndy.
Ustalǵandardan 200-den astam uıaly telefon, sandyq tehnıka, halyq tutynatyn taýarlar (15 qorap parfıýmerııa, 267 bótelke spırttik ishimdikter) jáne qomaqty qarjy somasy tárkilendi.
Sondaı-aq, ustalǵandar júrip ótken 29 avtokólik, mıtıngterdi zańsyz uıymdastyrý tártibi boıynsha dinı ádebıetter men quraldar tárkilendi.
Shekara qyzmetiniń bólimsheleri turaqty jaýyngerlik ázirlikte bolady, shekarany kúzetý kúsheıtilgen rejımde júzege asyrylady.