2022 jyldyń 5-qańtarynda túngi ýaqytta Shymkent qalasynda oryn alǵan jappaı tártipsizdik kezinde tártip buzýshylar Nur-Sultan kóshesi boıynda ornalasqan «Metro» saýda ortalyǵynyń esik-terezelerin syndyryp, zańsyz kirgen, dep habarlaıdy Egemen.kz Shymkent qalasynyń Polısııa departamentine silteme jasap.
Saýda ortalyǵynyń ishinen túrli zattar urlanǵan. Atalǵan oqıǵa Shymkent qalasy Polısııa departamenti Jedel basqarý ortalyǵynyń beınebaqylaý kameralaryna túsken.Jaıt Qarataý aýdanynyń Polısııa basqarmasymen Sotqa deıingi tergep-tekserýlerdiń biryńǵaı tizilimine QR Qylmystyq Kodeksi 188-babynyń 3-bóligimen (Urlyq) tirkeldi.Polısııa qyzmetkerlerimen jedel-izdestirý is-sharalaryn júrgizý barysynda Nursat-3 shaǵynaýdanynda ornalasqan jaldamaly páterlerdiń birinde oqıǵaǵa qatysy bar degen kúdikpen 4 tulǵa anyqtalyp, ustaldy. Olar 2001 jáne 2002 jyldary týylǵan Túrkistan oblysynyń turǵyndary bolyp shyqty.Olardan aıǵaqty zat retinde «Metro» saýda ortalyǵynan urlanǵan taýarlar tárkilenip alyndy.Atalǵan azamattarǵa qatysty kúzetpen ustaý túrindegi bultartpaý sharasy qoldanyldy.Sonymen qatar, Ál-Farabı aýdany Polısııa basqarmasynyń qyzmetkerlerimen jedel is-sharalar barysynda saýda ortalyǵynyń zattaryn urlaǵan taǵy bir 1995 jyly týǵan azamat ustaldy. Ol urlanǵan zattardy ózi jumys isteıtin kólik jýý ornynyń demalys bólmesinde jasyrǵan bolyp shyqty. Urlanǵan taýarlardan bólek, bólmede erekshe ıisi bar zat pen ishinde sary suıyqtyǵy bar kesilgen plastıkalyq bótelke, jáne kastet anyqtaldy.Qazirgi tańda jaıttar boıynsha tergep-tekserý amaldary júrgizilýde.Sonymen qatar, «Metro» saýda ortalyǵynan urlanǵan basqa da zattardy anyqtaýǵa baǵyttalǵan shuǵyl is-sharalar jalǵasýda.