Sheteldik BAQ-tar Qazaqstan týraly

Elimizde bolǵan oqıǵalarǵa baıla­nysty sheteldik basylym­­darda jarııalanǵan materıal­dardyń barlyǵyn qamtý múmkin emes, árıne. Dese de aǵylshyn tildi medıada jaryq kórgen maqa­lalar men pikirler, habarlar men aqparatty sholyp shyqtyq.

Prezıdent Q.Toqaev óz sózinde aıtqandaı, halyq­ara­lyq qoǵam­dastyqta, sheteldik buqaralyq aq­pa­rat quraldaryn qosa alǵanda, UQShU kúsh­teri­niń paıdala­nylýy­na, jalpy Qazaqstandaǵy jaǵ­daıǵa qatysty múlde qate túsi­nik qalyptasqanyn baıqaý qıyn emes.

«Usynyp otyrǵan aıǵaq­tarǵa qaramastan, keıbir de­rek­kózder Qazaqstan bıligin beıbit demonstranttarmen kúresti dep aıtyp jatyr. Bul – múlde qate aqparat. Biz beı­bit sherýge shyqqandarǵa qar­sy eshqashan qarý qoldanǵan joqpyz jáne qoldanbaımyz da», dedi Qazaqstan Prezıdenti Q.Toqaev.

Batys medıa basylym­darynyń elimizdegi jaǵdaıdy jiti baqylap, keńinen talqy­laýyna Prezı­dent­tiń UQShU memleketteriniń basshy­lary­nan elge tóngen qaýip­ti eńserý úshin kómek kórse­týin suraýy túrtki bolǵany sózsiz. Reseı men Batys elderi­­niń shıe­lenis­ti qarym-qaty­nasy bel­gili. Jarııalanǵan materıal­dar­dyń kópshiligi dál osy Reseı taqy­rybyna basymdyq bergendeı.

The New York Times, Financial Times, Bloomberg, The Washington Post sekildi basylymdar aqparat taratqanda basymdyqty Ortalyq Azııa aýmaǵyndaǵy Reseı yqpa­lyna kóbirek berdi. Tek soń­ǵy kúnderi ǵana Prezıdent Q.Toqaev­tyń sózine silteme berip, UQShU bitimgerlik kúshteri jaqyn kúnderi mıssııasyn aıaqtap, Qazaqstan terrıtorııasynan shyǵatyny týraly jaza bastady.  NYT, FT, Reuters, The Guardian taratqan sońǵy aqpa­rattardan osyny kórýge bolady.

О́zge habarlar Qazaq­stan­daǵy suıytylǵan gaz baǵa­syna narazy bolǵan halyqtyń beıbit sherýi jappaı tártipsizdik pen shabýylǵa ulasqanyna, birneshe qalada tótenshe jaǵdaı jarııalanǵany­na, úkimettiń otstavkaǵa ketke­nin, elde ınter­nettiń buǵattalǵanyn, qaladaǵy memlekettik nysan­dar­dyń, basqa da ǵımarattardyń qıra­ǵanyna toqtaldy.

Osy sekildi habarlar elde bolyp jatqan qarýly qaq­ty­ǵystar jaıly Batys ór­ke­nıetinde tolyq túsinik joq ekenin kórsetedi. Oǵan ınternettiń amalsyz buǵat­talýy da áser etkeni sózsiz. Qazaqstandaǵy ah­ýal týraly aqparattyń der kezinde taratylmaýy, baılanystyń bolmaýy sekil­di máseleler de jaǵ­daıǵa óz yqpalyn tıgizdi. Kez kelgen medıa basylymnyń, redak­sııanyń ózindik kózqarasy, ustanymy men paıymy bolatynyn eskersek, eldegi jaǵdaı týraly habarlardyń da taratylýy, basym taqyryptary men únine qaraı belgili bir baǵytta sıpat alǵanyn baıqaımyz. Elde ınternet qosylyp, aqparatqa qol jetimdiliktiń artýy endi bul úrdiske oń áserin tıgizedi dep paıymdaımyz.