Eldegi jol qurylysyna bólingen qomaqty qarjynyń tıimdi ıgerilmegeni belgili boldy. Memlekettik qyzmet isteri agenttiginiń málimetinshe, júzdegen mıllıard teńgege qatysty kúmándi derekter anyqtalǵan, dep jazady Egemen.kz.
Agenttik 16 naýryzda 2025 jyly júrgizilgen sybaılas jemqorlyq táýekelderine syrtqy taldaý qorytyndysyn jarııalady. Tekserý nátıjesi óńirlerdegi jol qurylysyna qatysty júıeli máselelerdi kórsetti. Atap aıtqanda, birqatar jobada smetalyq qun 11 mlrd teńgege negizsiz ulǵaıtylǵan.
Kólik mınıstrligi asfalt-beton zaýyttaryn tekserdi
Sonymen qatar 362 eskirgen jobalyq-smetalyq qujat anyqtalyp, olardy ázirleýge 23 mlrd teńge tıimsiz jumsalǵan. Taǵy bir alańdatarlyq jaıt – jalpy quny 27 mlrd teńge bolatyn 324 nysan mindetti memlekettik saraptamadan ótpegen.
Elimizde asfaltbeton qospalaryna qoıylatyn talaptar jańartylady
Budan bólek, 70 kompanııa jumys tájirıbesine qatysty jalǵan anyqtama usynyp, jalpy somasy 408 mlrd teńgeniń kelisimsharttaryna qol jetkizgeni belgili boldy. Bul derekter saladaǵy baqylaý tetikteriniń álsizdigin ańǵartady.
Agenttik ókilderi zań buzǵan merdigerlerdiń qalaı jazalanǵanyn jáne bıýdjet qarajatynyń qaıtarylǵan-qaıtarylmaǵanyn naqtylamady. Degenmen josparlaý, qurylys jáne tehnıkalyq qadaǵalaý baǵytyndaǵy olqylyqtardy joıý úshin 80-nen asa usynys ázirlengen.
Án aıtatatyn asfalt
Qazirgi tańda jol sapasyna qatysty talap kúsheıtilgen. Ulttyq jol aktıvteri sapasy ortalyǵy eskertý jasaǵan nysandar kemshilik joıylmaıynsha paıdalanýǵa berilmeıdi. Buǵan qosa jol-qurylys materıaldarynyń biryńǵaı aqparattyq bazasy jasaqtalmaq. Bul júıede karer sıpattamasynan bastap zerthanalyq synaq nátıjesine deıingi derek jınaqtalady.
«Platforma aqparatty bir ortalyqqa toptastyryp, ónim sapasy týraly málimetti burmalaý qaýpin azaıtady. Qabyldanǵan sharalar 2026 jylǵa bólingen 360 mlrd teńgeden astam qarajattyń ashyq ári tıimdi jumsalýyna negiz bolady», dedi agenttik ókilderi.