Almaty ákimi Baqytjan Saǵyntaev tártipsizdik kezinde kóz jumǵan 4 jasar balanyń otbasyna kóńil aıtty, dep habarlaıdy Egemen.kz.
Bul týraly qala ákimdiginiń baspasóz qyzmeti málim etti.
Qara jamylǵan kópbalaly otbasyǵa barǵan Almaty ákimi qyzdyń ata-anasyna tózimdilik pen shydamdylyq tiledi.
Aıta keteri, Almatyda tártipsizdik kezinde 4 jasar qyz kóz jumdy, al onyń 15 jastaǵy ápkesi jansaqtaý bóliminde jatyr.
Ákim jasóspirimniń tez saýyǵyp ketýin tilep, otbasyǵa materıaldyq kómek kórsetiletinin, sondaı-aq 3 bólmeli páter beriletinin aıtty.
Qaıǵyly oqıǵa 7 qańtarda Seıfýllın men Sátbaev kósheleriniń qıylysynda oryn alǵan. Qyz ben onyń 15 jastaǵy ápkesi oq atylǵan kólikte bolǵan. Kishisi oqıǵa ornynda kóz jumdy, úlkeni aýrýhanaǵa tústi.