Bul týraly Ortalyq kommýnıkasııalar qyzmetiniń alańynda ótken baspasóz máslıhaty barysynda Densaýlyq saqtaý mınıstrliginiń qoǵammen baılanys departamentiniń dırektory Ásel Artakshınova habarlady, dep jazady Egemen.kz.
«Jappaı tártipsizdik barysynda Densaýlyq saqtaý obektilerine 20 shabýyl jasaldy. Olardyń qatarynda 5 aýrýhana, 1 emhana jáne Almaty qalasynda 14 dárihana bar. Sondaı-aq, 7 medısına qyzmetkeri zardap shekti. Onyń beseýi – Almaty jáne bireýi – Shymkent qalasynda, bireýi – Almaty oblysynda», dep atap ótti vedomstvo ókili.
Sonymen qatar ol qıratylǵan kólikterge toqtaldy.
«Tórt óńirde 45 jedel medısınalyq járdem avtokóliginen zııan keltirildi. Atap aıtsaq, Almaty qalasynda - 31, Shymkent qalasynda - 7, Almaty oblysynda - 5, Jambyl oblysynda – 2 kólik qırady. Onyń ishinde 4 avtomobıl jóndeýge jaramaıdy», dedi Ásel Artakshınova.