Bul týraly Nur-Sultan qalasy komendatýrasynyń baspasóz qyzmetindegiler málimdedi, dep habarlaıdy Egemen.kz.
«Elordadaǵy jaǵdaı turaqty. Túngi saǵat 23.00-den bastap tańǵy 07.00-ge deıin komendanttyq saǵat jalǵasýda. Qala perımetri boıynsha 6 blokbeket táýlik boıy jumys isteýde. Bir táýliktiń ishinde qalada 9 qylmys tirkeldi. 74 jol-kólik oqıǵasy oryn alyp, eki adam jaraqat aldy. 102 arnasyna 1 732 astam qońyraý túsken. Olardyń kóbi - anyqtamalyq sıpattaǵy habarlamalar. Qala turǵyndaryn aýa raıyna baılanysty tas joldyń jaǵdaıy, blokbeketterdiń jumysy, sondaı-aq, quqyq buzýshylyq týraly máseleler qyzyqtyrýda», dep jazylǵan komendatýra taratqan habarlamada.
Vedomstvo málimetinshe, elordada bir kúnde 177 adam tótenshe jaǵdaı rejımin buzǵan. Olarǵa qatysty QR ÁQBtK-niń 476-baby boıynsha ákimshilik is qozǵaldy. Prosessýaldyq sheshimdi sot qabyldaıdy.