Qazaqstan Respýblıkasy Parlamenti Májilisiniń burynǵy depýtaty Nurtaı Sabılıanov «Qazaqstan halqyna» qoryna 5 mıllıon teńge aýdardy, dep habarlaıdy Egemen.kz.
«Qazaqstan halqyna» qoryna 5 mıllıon teńge aýdaramyn degenim áleýmettik jelide biraz talqylanypty.
Aıtarym, bul kásipkerlikpen aınalysyp, tıisti salyqty tólep, tapqan tabystan kómek retindegi shyn nıetim.
Búgin «Qazaqstan halqyna» qoryna 5 mıllıon teńge aýdardym», dep jazdy Nurtaı Sabılıanov feısbýktegi paraqshasynda.
Aıta keteıik, «Qazaqstan halqyna» qory 11 qańtardaǵy Qazaqstan Respýblıkasynyń Prezıdenti Qasym-Jomart Toqaevtyń tapsyrmasymen quryldy. Sońǵy aqparattar boıynsha, qoǵamdyq qorǵa 12 mıllıard teńgeden asa qarajat jınalǵan.