Almaty qalasyndaǵy jappaı tártipsizdik kezinde kóligi qıraǵanyn naqty dáleldeı bilgen júrgizýshilerge kelgen shyǵyndy óteý máselesi qarastyrylyp jatyr. Bul týraly Almaty ákiminiń orynbasary Ilııas О́serov aıtty, dep habarlaıdy Egemen.kz inform.kz-ke silteme jasap.
О́ńirlik kommýnıkasııalar qyzmeti alańynda ótken brıfıng barysynda qala ákiminiń orynbasary Ilııas О́serov osy máselege qatysty saýalǵa jaýap berdi.
«Turǵyndardyń tikeleı jeke múlkine keletin bolsaq, bul máselelerdi pysyqtaımyz. Kóp jeke avtokólik zardap shekkeni túsinikti, jaı zaqymdanǵany, órtenip ketkenderi bar. Máseleni qarastyryp jatyrmyz, zardap shekken halyq múmkin polısııaǵa aryz berýi kerek shyǵar. Eger olardyń kóligi qańtar oqıǵasy kezinde búlingeni rastalsa, ony óteý máselesin qarastyramyz», dedi ákim orynbasary.