Nur-Sultan qalasynyń qoǵamdyq kólikterinde ótken jyly jol aqysyn tólemegen 222 myńnan astam adam anyqtaldy. Bul jaıynda «City Transportation Systems» kompanııasynan málim etti, dep habarlaıdy Egemen.kz.
Atalǵan derekterdi qalalyq Kóliktik baqylaý departamenti Facebook-paraqshasynda jarııalady.
Kompanııa málimetinshe, 2021 jyldyń qorytyndysynda Kóliktik baqylaý departamentiniń qyzmetkerleri jol júrý aqysyn tóleýden jaltarýdyń 222 415 faktisin anyqtady. Onyń ishinde 9 900 jolaýshy QR ÁQBtK-niń 622-babynyń 2-bóligi boıynsha 57 mln teńgeden astam somaǵa ákimshilik jaýapkershilikke tartyldy.
Sondaı-aq, taratylǵan aqparatta Kóliktik baqylaý departamenti qoǵamdyq kólik júrgizýshileriniń aıaldama pýnktine kirmeýine, qozǵalys aralyǵyn saqtamaýyna, qozǵalys syzbasyn ózgertýine jáne taǵy da basqa jaıttarǵa monıtorıng júrgizetindigi aıtylǵan.