1997 jyly qatty muqabamen altynmen bederlenip, arnaıy qaptamaǵa salynyp shyǵarylǵan álemdik balalar ádebıetiniń jaýharyna aınalǵan «Hárrı Potter men pálsapa tas» kitaby Dallas qalasynda ótken Heritage Auctions aýksıonynda satyldy.
Bul basylymnyń tırajy bar-joǵy 500 dana. Sondyqtan búginde ol bıblıografııalyq qundylyqqa aınalyp otyr.
Lottyń alǵashqy baǵasy 75 myń dollar boldy. Nátıjesinde, kitap 471 myń dollarǵa satyldy.
«Bul nusqanyń muqabasy óte sátti shyqqan. Hárrı Potterdiń alǵashqy basylymy, mine, osyndaı bolýy tıis. Kitapty ózińmen alyp júrý, jeke kitaphanańa qosý – bir ǵajap áser syılaıdy. Bul Hárrı Potter týraly buǵan deıin satylǵan eń qymbat kitap qana emes, sondaı-aq HH ǵasyr kórkem shyǵarmalarynyń ishindegi kommersııalyq jolmen jarııalanǵan eń qymbat kitaby», deıdi aýksıon uıymdastyrýshysy.
Al kitapty satqan jeke amerıkalyq kolleksıonerdiń esimi jarııalanbaıdy.
Aıta keteıik, 2020 jyly «Hárrı Potter» toptamasynyń birinshi kitaby «Hárrı Potter men pálsapa tas» romany tuńǵysh ret qazaq tilinde jaryq kórgen edi. Odan keıin «Hárrı Potter men jasyryn bólme», «Hárrı Potter men Azkaban tutqyny», «Hárrı Potter men ot-saýyt», «Hárrı Potter men Fenıks alqasy» atty bólimderi de aýdarylyp, barlyǵy bes kitap basylyp shyqty. Brıtan jazýshysy Joan Roýlıń oılap tapqan sıqyrshy bala Hárrı Potter men onyń sıqyr álemi týraly eńbekterdi qazaq tilinde basyp shyǵarý quqyǵy Steppe & WORLD Publishing baspasyna tıesili.