Elorda ákimdiginiń Qoǵamdyq densaýlyq saqtaý basqarmasynyń qoımasyna «Spýtnık Laıt» vektorlyq vaksınasy jetkizildi. 10 myń doza mólsherinde birinshi partııa keldi, dep habarlaıdy Egemen.kz qala ákimdiginiń resmı saıtyna silteme jasap.
Qalalyq Densaýlyq saqtaý basqarmasy bul vaksına tek halyqty revaksınasııalaýǵa, ıaǵnı tolyq ımmýndaý merzimi aıaqtalǵannan keıin qaıta vaksınasııalaýǵa arnalǵanyn atap ótti.
Alǵashqy vaksınasııa kezinde QazVac, Sinopharm, Hayat-Vac, Sinovac ekpesin alǵandarǵa «Spýtnık Laıt» preparatymen revaksınasııalaýǵa bolady.
Vaksına arnaıy muzdatqyshpen jetkizilip, temperatýrasy -18 gradýs jáne odan tómen muzdatqysh jabdyqqa ornalastyryldy. Emhanalarǵa bul vaksına tirkelgen halyq sanyn eskere otyryp bólinedi.
MSAK uıymdarynyń vaksınasııa pýnkterinde jáne saýda ortalyqtarynda («Kerýen» SOO, «Abý dabı plaza», «Azııa park», «Eýrazııa» SÚ) revaksınasııalaýǵa bolady.
Osylaısha, elordada revaksınasııaǵa arnalǵan mynadaı ekpeler bar: QazVac, Sinopharm jáne Spýtnık Light. Pfizer preparatymen tıisti kontıngent, sondaı-aq 60 jastan asqandar men medısına qyzmetkerleri revaksınasııalaı alady.