Qatar Airways jáne Air Arabia áýe kompanııalary Qazaqstanǵa reısterdi qaıta bastady. Bul týraly QR Indýstrııa jáne ınfraqurylymdyq damý mınıstrligi málimdedi, dep jazady Egemen.kz.
2022 jylǵy 21 qańtardan bastap katarlyq «Qatar Airways» áýe kompanııasy aptasyna 2 reıs jıiligimen Doha – Almaty – Doha baǵyty boıynsha ushýlardy qaıta bastady. Reıster dúısenbi jáne juma kúnderi A-320 tıpti áýe kemesinde oryndalady.
Sonymen qatar, Birikken Arab Ámirlikteriniń «Air Arabia» áýe kompanııasy 2022 jylǵy 21 qańtardan bastap A–320/A–321 tıpti áýe kemesinde seısenbi, beısenbi jáne senbi kúnderi aptasyna 3 reıs jıiligimen Shardja-Almaty-Shardja baǵyty boıynsha ushýdy qaıta bastady.
Reıster sanıtarlyq-epıdemıologııalyq talaptardy qatań saqtaı otyryp jáne áýe kompanııalardyń saıtynda jarııalanǵan kestege sáıkes oryndalady.