UFC prezıdenti Dana Ýaıt uıymnyń eki salmaqtaǵy burynǵy chempıony, ırlandııalyq Konor Makgregordyń oktagonǵa qashan oralatyny týraly oıymen bólisti, dep habarlaıdy Egemen.kz.
«Meniń oıymsha Konor Makgregor jaz mezgilinde segiz buryshqa qaıta shyǵýǵa daıyn bolady. Alaıda men bul pikirime júz paıyz senimdi emespin. Tek qana boljap otyrmyn. Bári onyń aıaǵyndaǵy jaraqatynyń jazylýyna baılanysty ekeni túsinikti. Konor maǵan qońyraý shalyp, óziniń daıyn ekenin, jattyǵýǵa kiriskenin aıtsa, onda onyń oralýy týraly naqty áńgime órbitýge bolady. Ázirge erterek», dedi ol ESPN MMA v YouTube arnasyna bergen suhbatynda.
Esterińizge sala keteıik, amerıkalyq Dastın Porege qarsy ótkizgen sońǵy shaıqasynda Konor Makgregor aıaǵyn syndyryp alǵan bolatyn.