Almatydaǵy jappaı tártipsizdikter kezinde búlingen beınebaqylaý kameralary qalpyna keltirildi, dep habarlaıdy Egemen.kz.
«2022 jyldyń 4-7 qańtary aralyǵyndaǵy tártipsizdikter kezinde 75 «Sergek» kesheni, 304 beınekamera, sondaı-aq, RTRK ǵımaratynda ornalasqan baılanys ortalyǵy, antenna jáne jelilik jabdyq isten shyǵaryldy. Barlyq zaqymdalǵan kameralar men jabdyqtar qalpyna keltirildi.
Jeke VOLS arnalaryna qosylýǵa arnalǵan jeke júıesi bar 1 myń 103 kamerany qamtıtyn «Beınebaqylaý júıeleri» jobasy boıynsha tártipsizdikter kezinde 283 kamera, sondaı-aq, shkaftar men taratý jabdyqtary isten shyqqan. Qazirgi ýaqytta beınekameralar men zaqymdanǵan qondyrǵylar qalypty jumys istep tur. Sonymen qatar, 2022 jyly qalada ornatylǵan taǵy 3 myń 500 kamerany JBO-na qosý josparlanýda», dep jazylǵan Almaty qalasy PD taratqan habarlamada.