WBO tujyrymy boıynsha orta salmaq dárejesindegi álem chempıony Demetrıýs Andradeniń ákesi Pol Andrade telearnalardyń basshylary men promoýterler orta salmaqtaǵy úzdikterdiń týrnırin uıymdastyrýǵa qulyqty emestigin aıtty, dep habarlaıdy Egemen.kz.
«Orta salmaq dárejesinde «Kanelo» ketkeli beri chempıondar arasynda shaıqas ótken joq. Úzdikter neni kútip júrgenin túsinbeımin. Árıne, bári «Kaneloǵa» qarsy rıngke shyǵyp, qomaqty tabys tapqysy keledi. Alaıda ylǵı aqshanyń sońynda ketýge bolmaıdy. Orta salmaqtyń deńgeıin kóterý úshin myqtylar bir-birinen qashpaýy kerek. Qazir telearna basshylary barlyq bıýdjetti Gennadıı Golovkın men Saýl Alvareske salyp júr. Olar shyn máninde myqtylarmen judyryqtasyp júrgen joq. Odan góri úzdik alty boksshy arasynda týrnır uıymdastyrsa áldeqaıda tıimdi bolar edi», dedi ol óz oıyn túıindep.