Búgin elimizdiń birqatar óńirleri ýaqytsha jaryqsyz qalǵan bolatyn. Mamandardyń jumyla eńbek etýi arqasynda másele der kezinde ońynan sheshildi, dep habarlaıdy Egemen.kz QR Premer-Mınıstriniń baspasóz qyzmetine silteme jasap.
25 qańtar kúni saǵat 11:59-da (Nur-Sultan ýaqyty boıynsha) Ortalyq Azııanyń energııa júıesindegi elektr energııasyn tutynýdan generasııanyń aıtarlyqtaı aýytqýyna baılanysty 500 kV «Qazaqstannyń Soltústik-Shyǵys-Ońtústik» elektr tranzıti shamadan tys júkteldi. Elektr jelileriniń zaqymdalýyna jol bermeý jáne iri júıelik avarııany boldyrmaý maqsatynda «Qazaqstannyń Soltústik-Shyǵys-Ońtústik» elektr tranzıti avarııaǵa qarsy avtomatıkanyń durys jumys isteýi arqyly bólindi, bul Qazaqstannyń ońtústik aımaǵyndaǵy tutynýshylardyń toqtan tolyq ajyratylýyna jol bermedi.
Shtattan tys jaǵdaı oryn alǵan kezde Qazaqstannyń ońtústik aımaǵyndaǵy tutyný kólemi 3200 MVt qurady. Apatqa qarsy avtomatıka áreketimen tutynýshylardy 1300 MVt kóleminde elektrmen jabdyqtaı otyryp, Jambyl GRES-i, Shymkent JEO-3, Qyzylorda JEO-6 jáne Almaty oblysynyń elektr stansııalarynyń jumysyn tolyq toqtatýǵa jol berilmedi. Májbúrli shekteýler 1900 MVt qurady. 50 Gs normatıvtik jıilikte – Ortalyq Azııanyń energııa júıesindegi jıilik 47 Gs-ke deıin kúrt tómendedi, sonyń saldarynan О́zbekstan men Qyrǵyzstannyń energııa júıeleri tolyq óshirildi. Saǵat 13:39-da Qazaqstannyń ulttyq elektr jelisiniń qalypty shemasy qalpyna keltirildi. Qyrǵyzstannyń energııa júıesimen bir ýaqytta jumys qaıta jandandy. Saǵat 14:53-te Almaty qalasy men Almaty oblysy boıynsha barlyq shekteýler alynyp tastaldy. Saǵat 15:10-da Jambyl 500 kV, Shymkent 500 kV shaǵyn stansııalaryna kerneý berildi. Qazaqstannyń ońtústik aımaǵynyń barlyq óńirleriniń tutynýshylaryn elektrmen jabdyqtaý 16:00-de qalpyna keltirildi.
Ýaqtyly qabyldanǵan sharalardyń arqasynda energııa júıesiniń qalypty rejımi jáne tutynýshylardy elektrmen jabdyqtaý qysqa merzimde qalpyna keltirildi. О́zbekstan men Qyrǵyzstannyń energııa júıesinde tutynýshylar toqtan tolyq óshirildi. Jumys aıasynda Qazaqstan tarapynan О́zbekstan Respýblıkasyndaǵy avarııany joıýǵa kómek kórsetilip jatyr, óńirlik stansııalar kezeń-kezeńimen iske qosylyp, elektrmen jabdyqtaý qalpyna keltirilýde.