О́tken jyly kádege jaratýǵa 2480 birlik traktor men 900 kombaın qabyldandy. Bul týraly Indýstrııa jáne ınfraqurylymdyq damý mınıstrliginde habarlandy, dep jazady Egemen.kz.
Aýyl sharýashylyǵy mınıstrliginiń aldyn ala málimetteri boıynsha, búgingi tańda park 141 myń traktor men 36 myńnan astam kombaındy quraıdy.
«Bul rette tozý deńgeıi 80%-dy quraıdy, olardyń barlyǵy 10 jyldan astam ýaqyt qoldanylǵan tehnıka. Osyny eskere otyryp, biz parkti jańartý búgingi kúni orta eseppen 3% quraǵanyn túsinemiz, biraq tıisti tozý kezinde parkti 6%-ǵa jańartý qajet. Kádege jaratý alymy sheńberinde traktorlar men kombaındar tapsyrylyp, otandyq óndiriske jeńildik nemese aqshalaı ótemaqy alatyn vaýcherler boıynsha baǵdarlama engizildi», dep túsindirdi Indýstrııa jáne ınfraqurylymdyq damý mınıstrliginiń Avtomobıl jasaý, arnaıy tehnıka, aýyl sharýashylyǵy mashınasyn jasaý basqarmasynyń basshysy Rýslan Hısamýtdınov Nur-Sultanda ótken baspasóz konferensııasynda.
О́tken jyldyń qorytyndysy boıynsha elimizde qansha eski aýyl sharýashylyǵy tehnıkasy kádege jaratýǵa qabyldanǵany aıtyldy.
«Kádege jaratý alymyn engizgen sátten bastap kádege jaratýǵa 2480 traktor, 900 kombaın qabyldandy», dep habarlady basqarma basshysy.