Álem ekonomıkasy bıyl qalaı qubylady?

«COVID-19-dyń jańa túrleriniń paıda bolýy pandemııa ǵumyryn uzarta túsedi jáne jańa ekonomıkalyq qıyndyqtar týdyrady. Onyń ústine geosaıası qysymdar men klımat jaǵdaıy da táýekelderdi kúsheıtip otyr. Joǵary ınflıasııa áli uzaq saqtalady degen boljam bar. О́ıtkeni 2022 jyly jetkizý tizbegindegi aqaýlar men ener­gııa tasymaldaýshynyń joǵary baǵasy saqtalady» delinedi zertteýde.

HVQ boljamyna sú­ıensek, bıyl qaı el úshin de jaǵ­daı ońaı bolmaıdy. AQSh ekonomıkasynyń ósimi – 1,2, Eýroaımaq – 0,4, Uly­brıtanııa – 0,3, Qytaı – 0,8, Reseı – 0,1, Brazılııa – 1,2, OAR 0,3 paıyzǵa azaımaq. Bul rette Japonııa (+0,1 pa­­ıyz) men Úndistannyń (+0,5 pa­ıyz) ósimi ǵana joǵarylaı­dy dep kórsetilgen.

Qordyń birinshi oryn­basary Gıta Gopınattyń aıtýyn­sha, kóp eldegi qaryz­dyń rekordtyq deńgeıi men yryq bermeı turǵan ınflıa­sııa ekonomıkalyq keder­giler­di buzyp-jaryp ótýge múm­kindik berer emes.

«Alaıda keıbir qıyn­dyqtar basqalarymen salystyrǵanda uzaqmerzim­di emes. Sondyqtan bizdiń boljamda «Omıkron» shtamy 2022 jyldyń birinshi toqsanynda ekonomıkalyq belsendilikke jaǵymsyz áser bergenimen, ekinshi toqsannan bastap birtindep keri áser tómendeı túsetini aıtylǵan. Biz bıylǵy jahandyq ósimdi 4,4 paıyz dep boljap otyrmyz. Bul aldyńǵy boljamdardan 0,5 paıyzdyq tarmaqqa tómen, negizinen AQSh pen Qytaıdyń boljamdarynyń tómendeýine baılanysty. 2022 jyly suranys pen usynys arasyndaǵy alshaq­tyq qysqarady dep oılaımyz. Jalpy alǵanda, ekonomı­kasy damyǵan elderdiń jaǵdaıy pan­demııaǵa deıingi deńgeıge orala­dy, al damýshy elderde orta­merzimdi perspektıv­a­da óndiris kóleminde aıtar­lyq­taı toqyraý saqtalady. Qıyndyqpen laıyqty kúresý úshin keń aýqymdy vaksınalaý júrgizý óte mańyzdy. Qazir tabysy tómen elderde ha­lyqtyń tek 4 paıyzy vak­sına qabyldaǵan», deıdi Gopınat.

HVQ-nyń elimizge qatys­ty boljamyna nazar salar bolsaq, halyqaralyq qor 2022 jyly Qazaqstannyń ósimi 0,1 paıyzǵa (ıaǵnı 3,9-dan 3,8 paıyzǵa) tómendeıdi dep pa­ıymdaıdy.