Qazaqstannyń juptyq syndaǵy birinshi raketkasy Anna Danılına Aýstralııa ashyq chempıonatynyń fınalyna shyqty.
Danılına brazılııalyq Beatrıs Haddad Maııamen birge jartylaı fınalda jarystyń 2-raketkalary, japonııalyqtar Sıýko Aoıama – Ena Shıbaharamen sheberlik baıqasty. Anna men Beatrıs jýyrda ǵana Sıdneıdegi WTA týrnırinde bul qarsylastaryn tize búktirgen bolatyn. Bul joly birinshi partııada qazaqstandyq-brazılııalyq jup basym tústi – 6:4. Ekinshisinde japonııalyqtar ese qaıtardy – 7:5. Úshinshi, sheshýshi sette Anna men Beatrıs qaıtadan tarazy basyn ózderine aýdaryp, 6:4 esebimen jeńiske jetti. Osylaısha, Anna Danılına óziniń sporttyq jolynda alǵash ret «Úlken dýlyǵa» týrnıriniń fınalyna shyqty. Anna men Beatrıs fınalda dodanyń 1-raketkalary, chehııalyqtar Barbora Kreıchıkova jáne Katerına Sınıakovamen kezdesedi.
Sonymen qatar osy týrnırdiń jasóspirimder arasyndaǵy básekesinde óner kórsetken otandasymyz Arýjan Saǵyndyqova juptyq synnyń jartylaı fınalyna shyǵa almady. 17 jastaǵy A.Saǵyndyqova reseılik Ekaterına Haırýtdınovamen birge shırek fınalda kanadalyqtar Kaıla Kross – Vıktorııa Mbokomen kezdesip, 2:6, 2:6 esebimen qarsylastaryna jol berdi.