Dozor esimdi patrýldik ıt Almatydaǵy metro stansııalarynyń birinde oq-dáriler taýyp aldy, dep habarlaıdy Egemen.kz.
«Inspektor-kınolog «Abaı» stansııasyna irgeles aýmaqty aralaýǵa shyqqan. Bir sátte jarylǵysh zattardy izdeýge úıretilgen qyzmettik-izdestirý ıti ıis sezip, seriktesin shyrshaly alleıaǵa alyp keldi. Nátıjesinde, aǵashtyń astynan kalıbri 5.45 kalashnıkov avtomatyna tıesili sany 30 dana patron, eki jaryq-shý granatasy tabyldy. Oq-dárilerdi is júrgizý tártibimen Medeý aýdandyq polısııa basqarmasynyń jedel-tergeý toby tárkiledi», dep habarlady metropolıtendegi polısııa basqarmasynyń bastyǵy Erik Nasyrbekov.