Sozaq aýdandyq aýrýhanasynda shyqqan órtten 57 adam evakýasııalandy, dep habarlaıdy Egemen.kz.
Búgin jergilikti ýaqyt 11 saǵat 49 mınýtta Sozaq aýdandyq órt sóndirý bóliminiń jedel jelisine Sholaqqorǵan aýylynyń Jibek joly kóshesinde ornalasqan 2 qabatty aýrýhanada órt shyqqany týraly habarlama túsken. Oqıǵa ornyna jetken Túrkistan oblysy Tótenshe jaǵdaılar departamentiniń 13 órt sóndirýshisi men 4 birlik tehnıkasy jedel órtti sóndirip, adamdardy qutqarýǵa kirisken. Nátıjesinde órt sóndirýshiler 57 adamdy evakýasııalady.
«О́rt oqıǵasy ornyna №11 órt sóndirý bóliminiń kúshteri men quraldary jiberildi. О́rt sóndirýshiler oqıǵa ornyna kelgen kezde aýrýhananyń №11 palatasynda tósek-oryn jabdyqtary janyp jatty. О́rt sóndirýshiler birden adamdardy qutqarýǵa kiristi. О́rt saǵat 12-02-de aýyzdyqtalyp, 12-10-da sóndirildi. Zardap shekkender joq», dedi Shyńǵys Súleımenov Túrkistan oblysy TJD baspasóz qyzmeti.