Ekologııa, geologııa jáne tabıǵı resýrstar mınıstrligi osyndaı bastama kóterdi. Keńestiń basty mindeti sý máselesi boıynsha ótetin memleketaralyq kelissózderde Qazaqstannyń múddesin tabandy qorǵaý bolmaq, dep jazady Egemen.kz.
Vıse-mınıstr Serik Qojanııazov Ortalyq kommýnıkasııalar qyzmetinde ótken brıfıngide atalmysh keńesti QR Premer-Mınıstri basqaratynyn málim etti.
«Birinshi, memleketaralyq ózara qarym-qatynastardyń asa mańyzdy máseleleri boıynsha sheshimder ázirleý úshin kelissózder prosesterindegi Qazaqstannyń ustanymyn kúsheıtý úshin QR Premer-Mınıstriniń basshylyǵymen sý keńesi qurylmaqshy. Bul keńestiń negizgi mindeti syrtqy sý saıasatyn ázirleý barysynda Úkimettiń barlyq quramynyń is-qımylyn úılestirý bolady», dedi mınıstrdiń orynbasary.
Sondaı-aq, mınıstrlik sý resýrstary komıteti men onyń basseındik ınspeksııalaryn kúsheıtýge jol ashpaqshy.
«Sý resýrstaryn basqarýdyń qoldanystaǵy júıesi birinshi kezekte sý sharýashylyǵy qurylystaryn qaıta jańartý jáne salý jónindegi jobalardy iske asyrýǵa baǵyttalǵan. Sý resýrstaryn esepke alý, sý únemdeý, taldaý jáne jaǵdaıdyń damýyn boljaý sııaqty máseleler tıisti nazardan tys qalyp keledi. Basseındik ınspeksııalardy sý resýrstaryn memlekettik basqarýdyń negizi retinde qaraý qajet», dedi ol.