Kongo Demokratııalyq Respýblıkasyndaǵy áskerı trıbýnal BUU-nyń eki qyzmetkerin óltirgen 50-den astam adamdy ólim jazasyna kesti, dep habarlaıdy Egemen.kz Lenta.ru saıtyna silteme jasap.
54 aıyptalýshynyń bireýi 10 jylǵa bas bostandyǵynan aıyrylsa, taǵy ekeýi aqtaldy. Osylaısha, 51 adam ólim jazasyna kesildi. Kongoda 2003 jyldan beri ólim jazasyna moratorıı jarııalanǵan, sondyqtan sottalǵandar ómir boıyna bas bostandyǵynan aıyrylady.
BUU-nyń eki sarapshysyn óltirý oqıǵasy 2017 jyldyń naýryz aıynda bolǵan. Shvesııa azamaty Zaıda Katalan men AQSh azamaty Maıkl Sharp Kongonyń Kasaı provınsııasynda joǵalyp ketti. Eki aptadan keıin olardyń denesi tabyldy.
Buǵan deıin Kongo Demokratııalyq Respýblıkasynda sodyrlardyń aýyldarǵa jasaǵan shabýylynan ondaǵan adamnyń qurban bolǵany habarlanǵan bolatyn. Eldiń shyǵysyndaǵy Itýrı provınsııasynyń Djýgý aýdanynda qarýly adamdar júzden astam beıbit turǵyndy óltirdi. Ázirge bılik shabýyldardy uıymdastyrǵan qylmystyq top týraly málimetti jarııalamaı otyr.