Fýtzaldan Nıderlandyda ótip jatqan Eýropa chempıonaty kún sanap máresine jaqyndap keledi. Shırek fınalǵa qınalmaı shyqqan Qazaqstan quramasy búgin Ýkraına quramasymen kezdesedi, dep habarlaıdy Egemen.kz.
31 qańtardan 1 aqpanǵa qaraǵan túni saǵat 01:00-de ótetin oıyndy «Qazsport» telearnasy tikeleı efırden kórsetedi. Jartylaı fınaldyń joldamasy sarapqa salynatyn kezdesýde býkmekerlik keńseler Qazaqstan quramasyn favorıt sanap otyr. Parimatch býkmekerlik keńsesi bul kezdesýde Qazaqstan quramasy jeńedi degenge 1,61 koeffısıent, Ýkraına quramasy basym túsedi degenge 3.75 koeffısıent usynǵan. Býkmekerlik keńseler tym sırek qatelesetinin eskersek, Qazaqstan quramasy jartylaı fınalǵa shyǵýy tıis.