QR Premer-Mınıstri Álıhan Smaıylov ákimdikter men Bilim jáne ǵylym mınıstrligine pedagogterdi áleýmettik qoldaý jóninde birqatar tapsyrma berdi, dep jazady Egemen.kz.
Aýyl jáne qala mektepterindegi bilim sapasyndaǵy aıyrmashylyqty qysqartý maqsatynda aýyldy aımaqtarǵa kadr tartyp, qosymsha qarjy, turǵyn úımen qamtamasyz etý máselelerin qaraýdy alǵa tartty.
«Pedagogterdi áleýmettik qoldaý baǵdarlamasy aıasynda ákimdikter men Bilim mınıstrligi kadr tapshy óńirlerge ustazdardy tartý úshin qosymsha aqy tóleý, turǵyn úımen qamtamasyz etý, kommýnaldyq qyzmetterge ótemaqy tóleý jónindegi sharalardy qarastyrǵan jón. Jaqyn ornalasqan mektepten tys uıymdardy tegin mektep úıirmelerin, sport seksııalaryn, aýla klýbtaryn kóbeıtý jumysyn júrgizý qajet. Kásiptik-tehnıkalyq bilim berý júıesin reformalaýdy jalǵastyrý kerek. Onyń sapasyn, tásilderi men materıaldyq-tehnıkalyq qamtamasyz etilýin túbegeıli ózgertken jón», dedi Álıhan Smaıylov.