Asa jeńil salmaqtaǵy UFC chempıony Aldjemeın Sterlıng uıymnyń ýaqytsha chempıony, reseılik Petr Iаn týraly taǵy bir jazba qaldyrdy. Bul joly AQSh sportshysy qarsylasyn kemsitip sóıledi, dep habarlaıdy Egemen.kz championat.com-ǵa silteme jasap.
«Chetr (sportshynyń Petr degen esimin burmalap) menen qatty qorqady», dep jazdy ol tvıtterde. Jalpy Sterlıngtiń áleýmettik jelilerge qarsylasynyń sýretin júktep, ony kemsite sóıleýi bir bul emes. Ol buǵan deıin de birneshe márte qarsylastarynyń shamyna tııý úshin osyndaı áreketterge barǵan edi. Al eki sportshy arasyndaǵy shaıqas UFC 273 týrnıri aıasynda 9 sáýirde ótedi dep josparlanǵan.