Abylaı Myrzahmetov sıfrly jobany engizýge sheneýnik­ter­diń qarsy ekenin aıtty

«Qańtar qasireti» kóp jaı­dyń betin ashty. Kóshege shyq­qan da, kúnin kóre almaı otyr­ǵan da, naryqqa ilese almaı júr­gen de, bılikke ún qatqan da, ashyn­ǵan da, jylaǵan da – qazaq, ózi­miz­­diń aǵaıyn, ózimizdiń baýyr. Son­dyq­tan dál qazir meniń azamat retin­degi, «Atamekenniń» basshysy retin­degi mindetim – sıfr­ly servısti aýyl­ǵa jet­kizý. О́kinish­ke qaraı, sheneýnik­ter­diń buǵan jol beretin túri joq. Kedergi kelti­rip otyr», dedi Abylaı Myrzahmetov.

Sıfr­­ly joba osy jyldyń birinshi toq­sanyn­da iske asýy kerek bolǵan. Biraq oǵan sheneýnikter kedergi keltirgen.

«Sıfrly jobany engizýge «Damý», «Báıterek» sekildi qury­lym­dar qarsy. О́zge qury­lym­dardyń, mekemelerdiń bazalary «Atameken» usynyp otyr­­ǵan qosymshaǵa qosylýy kerek. Al sıfrly joba biraz dú­nıe­niń betin ashyp ber­mek. Ol jer­degi basty qaǵıda – ashyq­tyq. Esh­te­ńeni jasyra almaısyz. Jal­py, eldegi jemqorlyqtyń tamy­ry­na balta shabatyn da dál osy sıfrly júıeler. Ende­she, odan qashpaýymyz kerek. Bıyl Úkimet basshysy aýysty. Osy­ny paıdalanyp, «Damý» qory men «Báıterek» holdıngi 2021 jyl­dyń 29 jeltoqsanynda baza­lar­dy ózara ıntegrasııalaý týra­ly qol qoıylǵan kelisimniń kúshin joıýǵa tyrysyp baǵýda. Premer-Mınıstrdiń atyna arnaıy hat ta joldaǵan eken. Shyr-pyr bolyp otyrǵany – jańa joba olarǵa tıimsiz», dedi Ulttyq kásipkerler palatasynyń basqarma tóraǵasy.

Ol osy jaǵdaılar Prezıdenttiń nazaryna ilikkenin qalaıdy.

«Qazir elimiz ózge­she damýǵa, ózgerýge tarıhı múm­kindik alyp otyr. Biraq Prezı­dent pen eldiń arasynda ákimder men mınıstrlerden turatyn úl­ken apparat baryn umytpaý kerek. Keıde bılik pen buqara ara­syna altyn kópir bolýǵa tıis keıbir ákimder men mınıstrler kóp­­tiń múddesi­ne qarsy áreket etedi. Prezıdentke kóp dúnıe jet­peı jatady. О́kinishtisi de sol», dedi ol.