Qazaqstan týyn ustap shyqqan short-trekten Qazaqstan komandasynyń kóshbashysy Abzal Ájiǵalıev pen konkımen júgiretin Ekaterına Aıdova Beıjińdegi Olımpıada oıyndarynyń ashylý saltanatynda Saq patshaıymy Tomırıs pen aıbyndy qazaq batyrynyń tarıhı beınesinde shyqty, dep habarlaıdy Egemen.kz.
Qysqy Olımpıadada tý ustaýshylardyń formasy úshin negizgi oıý-órnek retinde klassıkalyq «qoshqar múıiz» qoldanyldy. Dızaınerler Tokıo-2020 jazǵy Olımpıada oıyndary kezindegi sııaqty, Ábilhan Qasteev atyndaǵy Memlekettik óner murajaıymen birge oıý-órnek elementterin jasady. Al qysqy Olımpıadada Tý ustaýshylardyń kostıýmderin jasaǵan qazaqstandyq dızaıner Vıoletta Ivanova Beıjiń oıyndaryna da tý ustaýshylar formasynyń avtory boldy.
Qazaqstandyq atletterdiń ózderi kostıýmderge rıza boldy, bul týraly alǵashqy kıim ólsheý kezinde aıtqan bolatyn. Abzal Ájiǵalıev tý ustaýshy retinde ekinshi Olımpıada oıyndaryna qatysyp jatyr.
«Bizdiń kostıýmderimiz erekshe bolyp shyqty, shynynda da, kıimde kúshti energııa bar, jáne bul joly men bul sezimdi Ekaterınamen bólise alǵanyma qýanyshtymyn. О́z elińdi Olımpıada oıyndarynda elestetý óte qyzyq, biraq jaýapkershilik te júkteledi. Bul - aıtyp jetkize almaıtyn sezim!», dedi Abzal Ájǵalıev.
Úlgiden bastap sońǵy tigiske deıin kostıým jasaý prosesi úsh aıǵa sozyldy: 20-dan asa sheber, onyń ishinde 2 dızaıner, 4 tiginshi, sýretshi jáne 8 keste tigýshi qatysty. Kıimniń ádemi bezendirilgen barlyq kestesi qolmen jasalǵan, ishinde altyn, kúmis jipter men monshaqtar bar.
«Kostıýmderdiń úlgileri Olımpıadanyń ashylý saltanatyna deıin qatań qupııada saqtaldy, sondyqtan meniń kostıýmim qandaı bolatyny óte qyzyq boldy. Erekshe bolatynyna kúmánim bolǵan joq. Biraq bul kostıým oılaǵanymnan da asyp tústi! Men UOK-ǵa jáne osy keremetti jasaǵan barlyq qolónershige raqmet aıtqym keledi. Olar bar kúshin salǵan kostıým erekshe qundy bolady jáne bul maǵan seziledi. Qazaqstandy osyndaı deńgeıde tanystyrý múmkindiginen asqan eshteńe joq. Ony túsinemin», deıdi Ekaterına Aıdova.
Aıta keteıik, Qazaqstan atynan Olımpıada oıyndarynda sporttyń 8 túri boıynsha jarysqa qatysatyn 34 sportshy baq synaıdy.