QR QM Memlekettik kirister komıtetiniń málimetinshe, ótken jyly memlekettik bıýdjetke salyqtan 10,7 trln teńge túsken. Atalǵan kórsetkish 2020 jylmen salystyrǵanda 25,3 paıyzǵa artqan, dep jazady Egemen.kz.
«2021 jyly memlekettik bıýdjetke salyq túsimderi boıynsha jospar 103,6 paıyz (jospar boıynsha 10 346,9 mlrd teńge, 377,4 mlrd teńgege asyra oryndaýmen 10 724,3 mlrd teńge tústi) oryndaldy», dep habarlady komıtet.
Vedomstvo málimetinshe, 2020 jylmen salystyrǵanda respýblıkalyq bıýdjetke túsimder ósiminiń eń kóp somasy munaıǵa salynatyn korporatıvti tabys salyǵy boıynsha 533,7 mlrd teńgege, eksporttyq keden bajdary boıynsha 441,0 mlrd teńgege nemese 1,8 ese, EAEO elderinen ımportqa qosylǵan qun salyǵy boıynsha 235,8 mlrd teńgege, úshinshi elderden ımportqa QQS boıynsha 149,3 mlrd teńgege nemese 23,1% jáne paıdaly qazbalardy óndirý salyǵy boıynsha 116,8 mlrd teńgege óskeni anyqtaldy.
Al 2021 jyly onlaın baqylaý-kassa mashınalarynan bir salyq tóleýshiden ortasha túsim 16,6 paıyzǵa artqan.