Túrkistan oblysy boıynsha departamenti oblystyq qoǵamdyq densaýlyq saqtaý basqarmasynyń Keles aýdandyq «Abaı» aýdandyq aýrýhanasynyń bas dáriger Aıda Beksultanova bul aqshaǵa halyqqa tegin beriletin kepildendirilgen medısınalyq kómek kórsetý baǵdarlamasy boıynsha jeke emhanany bıýdjetten qarjylandyrýǵa ýáde bergen, dep jazady Egemen.kz.
Búginde atalǵan fakti boıynsha qylmystyq is qozǵaldy.
Tergeý kezinde anyqtalǵandaı, ótken jyldyń 8 jeltoqsanynda bas dáriger jeke stomatologııalyq emhana dırektorynan bopsalaý arqyly 500 000 teńge alǵan. «Alym» tegin medısınalyq kómektiń kepildik berilgen kólemi sheńberinde jáne mindetti áleýmettik medısınalyq saqtandyrý júıesinde qyzmetterdi kórsetý shartynyń merzimin uzartýǵa, sondaı-aq qyzmet kórsetý aktisi boıynsha qarajatty ýaqtyly aýdarýdy kózdegen.
2022 jyly 4 aqpan kúni keshke Aıda Beksultanovany qylmystyq qýdalaý organdary paramen ustady. Onyń áreketi Qazaqstan Respýblıkasy Qylmystyq kodeksiniń 366-babynyń 3-bóliginiń 1-tarmaǵymen (Bopsalaý arqyly para alý) kvalıfıkasııalandy. Sottyń sheshimimen aıyptalýshyǵa eki aı merzimge tergeý ızolıatoryna qamaýǵa alý týraly sanksııa berildi.
Taǵylǵan aıyp boıynsha Qylmystyq kodekste jeti jyldan on eki jylǵa deıingi merzimge bas bostandyǵynan aıyrý túrindegi jaza kózdelgen.