Aralas jekpe-jek álemindegi bedeldi uıym UFC-de úsh jekpe-jek ótkizip, barlyǵynda qarsylastaryn jedel jeńgen otandasymyz Shavqat Rahmonov kelesi jekpe-jeginde reıtıngte ózinen joǵary turǵan sportshymen kezdesedi, dep habarlaıdy Egemen.kz.
Bul týraly uıymnyń resmı saıty aqparat taratty.
«Shavqat Rahmonov uıymdaǵy áýelgi eki jeńisinen keıin keri shegingen joq. О́ziniń rasymen myqty ekenin kezekti márte dáleldep, úshinshi qarsylasyn da ýaqytynan buryn jeńdi. Bul joly ol tájirıbeli, sheberligi joǵary sportshyny eseńgiretti. Jekpe-jek aıaqtalǵannan keıin qazaq oǵlanynyń boıynda talanttan bólek, jeńiske degen jiger zor ekeni ańǵaryldy. Ol jartylaı orta salmaqta talaı myqtynyń mysyn basýǵa qabiletti. Qysqasy, Shavqat kelesi shaıqasynda reıtıngte 12 orynda turǵan AQSh sportshysy Djeff Nılmen kezdesýi kerek», delingen jazbada.