Jańaózende jumyssyz azamattardy jumysqa ornalastyrý boıynsha oblystyq komıssııa jumysqa kiristi, dep habarlaıdy Egemen.kz Mańǵystaý oblysy ákimdiginiń baspasóz qyzmetine silteme jasap.
«Oblys ákiminiń birinshi orynbasary Abzal Meńdibaevtyń tóraǵalyǵymen 8 aqpanda Jańaózende munaı-gaz salasyndaǵy qyzmetti júzege asyratyn uıymdarda jumysqa qabyldaý algorıtminiń tolyq ashyqtyǵyn qamtamasyz etý boıynsha komıssııa quryldy», delingen habarlamada.
Komıssııa quramyna memlekettik organdardan basqa, jumyssyz azamattar da kirdi.
Komıssııanyń negizgi maqsaty - bastamashyl toptyń belsendilerimen birlesip, máseleni sheshý joldaryn qarastyrý jáne eki tarapqa ońtaıly sheshim shyǵarý.