Memleket basshysy О́zbekstannyń Olıı Májilisi Zań shyǵarý palatasynyń tóraǵasyn qabyldady, dep habarlaıdy Egemen.kz.
Memleket basshysy Qasym-Jomart Toqaev О́zbekstan Respýblıkasynyń Olıı Májilisi Zań shyǵarý palatasynyń tóraǵasy Nýrdınjon Ismoılovqa iltıpat bildire otyryp, elderimiz dostyq pen tatý kórshilikke, ortaq mádenı qundylyqtarǵa negizdelgen, memleketaralyq yntymaqtastyqtyń úlgisi bolatyn berik ári úılesimdi qatynastardy ornatqanyn atap ótti.
Qazaqstan Prezıdenti ótken jyldyń jeltoqsan aıynda Shavkat Mırzııoevtiń elimizge jasaǵan memlekettik saparyn joǵary baǵalady. Sol sapar qazaq-ózbek yntymaqtastyǵyn odaqtastyq deńgeıine kóterýge negiz bolǵan.
«О́zbekstan – Qazaqstan úshin baýyrlas, seriktes el. Sondyqtan eki el arasyndaǵy ózara qarym-qatynastardy damytýǵa basa mán beremiz. Bizdiń odaqtas qatynastarymyz keń aýqymdy jáne saıası, saýda-ekonomıkalyq, mádenı-gýmanıtarlyq baılanystardy qamtıdy. Osy rette parlament dıplomatııasy erekshe ról atqarady», dedi Memleket basshysy.
О́z kezeginde Nýrdınjon Ismoılov Qasym-Jomart Toqaevqa kezdesýge ýaqyt bólgeni úshin alǵys bildirip, О́zbekstan Prezıdentiniń izgi tilegi men sálemin jetkizdi.