Qazaqstannyń birinshi, álemniń 12-raketkasy Elena Rybakına Sankt-Peterbýrg WTA 500 týrnırin jeńispen bastady, dep habarlaıdy Egemen.kz.
Jarystyń 3-raketkasy bolyp tirkelgen qazaqstandyq tennısshi alǵashqy aınalymda dúnıejúzilik reıtıngte 81-orynda turǵan reseılik Varvara Grachevamen kezdesti.
Birinshi partııada eki breık jasaǵan qazaqstandyq tennısshi aıqyn basymdylyq kórsetti - 6:2. Ekinshi sette alǵash geımin V.Gracheva alǵanymen, odan keıin E.Rybakına des bermedi - 6:1.
Bir saǵatqa jýyq ýaqytqa sozylǵan matchta E.Rybakına 5 eıs jasap, 9 breık-poınttyń beseýin paıdalana bildi. Qazaqstandyq tennısshi shırek fınalǵa shyǵý úshin álemniń 42-raketkasy, chehııalyq Tereza Martınsovamen talasady.