10-12 aqpan aralyǵynda eldiń barlyq óńirinde aýa raıy nasharlap, kóktaıǵaq kútiledi. Osyǵan baılanysty QR Ishki ister mınıstrligi júrgizýshilerdi jolda saq bolýǵa shaqyrdy, dep jazady Egemen.kz.
Sınoptıkterdiń málimetinshe, aldaǵy eki kúnde elimizdiń barlyq óńirinde aýa raıy nasharlap, antısıklon, jańbyr men qar túrinde jaýyn-shashyn, kóktaıǵaq bolyp, jel kúsheıedi.
Osyǵan baılanysty IIM júrgizýshilerdi aýa raıyn eskerip, qozǵalys baǵytyn aldyn ala josparlaýǵa jáne aýa raıy nasharlaǵan kezde eldimekenderden tys jerlerge shyqpaýǵa shaqyrdy.
«Kóktaıǵaqqa, jańa jaýǵan qarǵa baılanysty kólikter arasyndaǵy qashyqtyqty, jyldamdyq rejımin qatań saqtaý kerek, sondaı-aq, oqys qımylǵa jol bermeý kerek», delingen mınıstrlik taratqan habarlamada.