QR Eńbek jáne halyqty áleýmettik qorǵaý mınıstrligi Memleket basshysynyń qańtarda iri otandyq bıznes ókilderimen kezdesý qorytyndysy boıynsha bergen tapsyrmasyn oryndaý úshin sheteldik jumys kúshin tartýǵa arnalǵan kvotany 16% - ǵa deıin qysqartty, dep habarlaıdy Egemen.kz.
Bul elimizde tapshylyǵy seziletin mamandyq pen beıindi mamandardan basqa kásipterdiń barlyq sanattaryna qatysty.
«Kvotany bólý týraly» Qazaqstan Respýblıkasy Eńbek jáne halyqty áleýmettik qorǵaý mınıstriniń 2022 jylǵy 18 qańtardaǵy №17 buıryǵyna ózgeris engizý týraly» buıryq 4 aqpanda qabyldandy, oǵan sáıkes jergilikti atqarýshy organdar úshin respýblıka aýmaǵynda eńbek qyzmetin júzege asyrý úshin sheteldik jumys kúshin tartýǵa arnalǵan 2022 jylǵa arnalǵan kvota 28 352-den 23 560 birlikke – 4 792 birlikke (16%) qysqartyldy.
Nátıjesinde 2022 jyly shetelden jumys kúshin tartýǵa kvota mynadaı túrde 4 sanatqa bólindi: birinshi sanat boıynsha 1 243 jumys kúshin tartýǵa (basshylar jáne olardyń orynbasarlary), ekinshi sanat boıynsha 6 499 jumys kúshin ákelýge ruqsat berileli (qurylymdyq bólimshelerdiń basshylary).
Ruqsattardyń negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady. Sondaı-aq maýsymdyq jumystarǵa 2 312 adam tartylýy múmkin.