Elordadaǵy Qallekı teatryna jańa basshy taǵaıyndaldy. Bul týraly Mádenıet jáne sport mınıstri Dáýren Abaev Facebook-tegi paraqshasynda jazdy, dep habarlaıdy Egemen.kz.
«Búgin Qalıbek Qýanyshbaev atyndaǵy memlekettik akademııalyq qazaq mýzykalyq drama teatryna baryp, mádenıet oshaǵynyń jumysymen tanystym. Osy rette, teatr dırektorynyń aýysqanyn habarlaımyn. Elimizdiń birqatar bedeldi teatrlarynda basshylyq qyzmet atqarǵan Jaýdyr Aıbolat Janǵalıuly taǵaıyndaldy», dep jazdy mınıstr Facebook áleýmettik jelidegi paraqshasynda.
Aıta keteıik, buǵan deıin Q. Qýanyshbaev atyndaǵy memlekettik akademııalyq qazaq mýzykalyq drama teatrynyń dırektory qyzmetin Ernar Jumataev atqarǵan bolatyn.