Ujymdyq qaýipsizdik týraly Shart Uıymy Birikken shtabynyń bastyǵy general-polkovnık Anatolıı Sıdorov UQShU elderiniń qorǵanys vedomstvolarynyń ókilderimen birlesip brıfıng ótkizdi, dep habarlaıdy Egemen.kz.
Brıfıng barysynda UQShU qyzmetiniń 2021 jylǵy qorytyndysy shyǵaryldy. Birlesken is-sharalarda UQShU jaýapkershilik aımaǵyndaǵy daǵdarystyq jaǵdaılarǵa den qoıý tetikterin jetildirý boıynsha da, olardy sheshý úshin uıymnyń áskerlerin qoldaný boıynsha da keń aýqymdy mindetter pysyqtalǵany atap ótildi.
Budan basqa, ulttyq kontıngentterdiń ujymdyq qaýipsizdikke tónetin qaterlerdi beıtaraptandyrý jónindegi mindetterdi birlesip oryndaýǵa daıyndyǵy kórsetildi.
2022 jylǵa arnalǵan josparlarda Qazaqstan aýmaǵynda «Izdeý-2022» barlaý kúshteri men quraldarymen oqý-jattyǵý ótkizý, sondaı-aq «Eshelon-2022» materıaldyq-tehnıkalyq qamtamasyz etý kúshteri men quraldarymen arnaıy oqý-jattyǵý, Ujymdyq qaýipsizdiktiń Ortalyq Azııa óńirindegi daǵdarystyq jaǵdaıdy retteý jónindegi mindetterdi pysyqtaýmen UQShU jedel den qoıý ujymdyq kúshterimen «О́zara is-qımyl-2022» komandalyq-shtabtyq oqý-jattyǵý ótkiziletin bolady.