Koronavırýs ınfeksııasyn juqtyrǵannan keıin oqshaýlanǵan Túrkııa prezıdenti Rejep Taıyp Erdoǵannyń COVID-19-ǵa tapsyrǵan synamasy teris nátıje kórsetti, dep habarlaıdy Egemen.kz Reuters agenttigine silteme jasap.
Bul týraly Túrkııa kóshbasshysynyń emdeýshi dárigeri, professor Serkan Topaloǵly málimdedi.
«Sońǵy eki kúnde tapsyrǵan PTR-synama teris nátıje berdi», dedi ol.
Dárigerdiń aıtýynsha, memleket basshysy erteń jumysqa oralýy múmkin.
«Meniń oıymsha, jaqyn arada, tipti erteń prezıdent ádettegi jumys ýaqytyna oralady», delingen habarlamada.
Erdoǵanǵa koronavırýs dıagnozy qoıylǵany 5 aqpanda belgili boldy. Ol aýrýdyń jeńil belgileri bastalǵannan keıin jubaıymen COVID-19-ǵa synama tapsyryp, test oń nátıje bergenin aıtty.