Bilim jáne ǵylym vıse-mınıstri Qýanysh Erǵalıev Qazaqstanda Reseı ýnıversıtetteri fılıaldaryn ashýǵa qatysty aıtylǵan synı pikirlerge ún qatty, dep habarlaıdy Egemen.kz.
Ol óziniń Facebook-tegi paraqshasy arqyly bul máselege jan jaqty toqtaldy.
«Men buǵan deıin bilim berý sektoryn jaqsartý boıynsha Qazaqstan men RF arasyndaǵy seriktestiktiń birqatar negizgi qaǵıdattaryn túsindirip ótkenmin. Osyǵan baılanysty kózqarasymmen birqatar tolyqtyrýlardy jetkizgim kelip otyr:
Birinshiden, strategııalyq seriktestik, eń aldymen, eki tarap úshin de ózara tıimdi ortaq maqsattar men múddelerge qol jetkizýge baǵyttalǵan. О́tken kúnderi Memleket basshysynyń jumys sapary aıasynda qazaqstandyq delegasııa quramynda Máskeýge baryp qaıttym. Sapar barysynda reseılik áriptestermen birqatar mańyzdy kelisimge qol jetkizip, sonyń ishinde QR Bilim jáne ǵylym mınıstrligi men RF ǵylym jáne joǵary bilim mınıstrligi arasyndaǵy ózara túsinistik týraly Memorandýmǵa qol qoıyldy. Memorandým QR aýmaǵyndaǵy jetekshi reseılik joǵary oqý oryndarynyń fılıaldaryn ashýdy, sondaı-aq, óz kezeginde Reseıde de qazaqstandyq JOO ókildikterin teń negizde ashýdy kózdeıdi, bul eki tarap úshin de tepe-teń quqyqtar men ortaq jaǵdaılardy týǵyzady.
Ekinshiden, memleket tarapynan bilim berý qyzmetin lısenzııalaý erejelerine sáıkes barlyq standarttar men sapa deńgeıi saqtalady. Iаǵnı, QR aýmaǵynda fılıaldardy ashqan kezde reseılik joǵary oqý oryndary maman daıarlaý jónindegi qazaqstandyq lısenzııalaý erejelerin eskere otyryp, qos lısenzııalaý kózdeletin bolady. Bul eki eldiń ózara múddeleri eskeriletin ekijaqty tıimdi yntymaqtastyqtyń aıqyn kórinisi.
Úshinshiden, men buǵan deıin de ınjenerlik-tehnıkalyq beıindegi joǵary bilikti kadrlardyń qajettiligin eskere otyryp, Qazaqstandaǵy jetekshi reseılik joǵary oqý oryndarynyń fılıaldar jelisin keńeıtý jáne Reseıde «Bolashaq» baǵdarlamasy Centre for International Programmes - Bolashaq boıynsha mamandar daıarlaý josparlanǵanyn jazǵan edim. Alaıda, bul bizdiń stýdentter álemniń jetekshi oqý oryndarynda oqı almaıdy degen sóz emes. Qazaqstandyq stýdentter reseılik JOO qosa, álemniń 27 eliniń 200-den astam ýnıversıtetterinde úzdik bilim alý múmkindigine ıe. Iаǵnı bizdiń stýdentter úshin RF ýnıversıtetteri JOO tańdaý kezinde qosymsha balama sanalady», deıdi ol.
Jalpy ózekti máseleni jan-jaqty zerdelegen ol aldaǵy ýaqytta jastardyń reseılik ýnıversıtetterdiń bilim sapasy men deńgeıine is júzinde ózderi baǵa beretinin tiline tıek etken.