О́tken táýlikte Nur-Sultan, Shymkent qalalarynda, Aqmola, Aqtóbe, Atyraý, Jambyl, Qaraǵandy, Qostanaı, Qyzylorda, Mańǵystaý, Pavlodar, Túrkistan oblystarynda daýyldy eskertýler jarııalandy, dep jazady Egemen.kz.
TJM baspasóz qyzmetiniń habarlaýynsha, elimizde qar qursaýynda qalǵan 37 adam, onyń ishinde 2 bala qutqaryldy. 10 avtokólik qar qursaýynan shyǵaryldy.
Máselen, 13 aqpanda saǵat 8.22-de Qostanaı oblysynyń Arqalyq qalasynan 20 shaqyrym jerde «Arqalyq-Amangeldi» avtojolynda qutqarýshylar qar qursaýynda qalǵan 3 jeńil avtokólikten 17 adamdy, onyń ishinde 2 balany qutqardy. Jolaýshylar Arqalyq qalasyna jetkizildi. Olardyń jaǵdaılary jaqsy, medısınalyq kómek qajet bolmady. Avarııalyq-qutqarý operasııasyna Qostanaı oblysy TJD 3 qutqarýshysy men 1 tehnıka jumyldyryldy.
Saǵat 8.38-de Qaraǵandy oblysynyń Aqtoǵaı aýdanynda «Aqtoǵaı-Balqash» avtojolynda Aqtoǵaı aýylynan 30 shaqyrym jerde qutqarýshylar joldan shyǵyp ketken 2 jeńil avtokólikti joldyń tazartylǵan ýchaskesine shyǵardy. Avtokólik salonynda 4 jolaýshy bolǵan. Olar medısınalyq kómekke muqtaj bolmady. Qaraǵandy oblysy TJD 5 qutqarýshysy men 2 tehnıka jumyldyryldy.
Saǵat 14.28-de Nur-Sultan qalasy Baıqońyr aýdany Alash tasjolynda avtokólik qar qursaýynda qaldy. Tez arada oqıǵa ornyna Trekol kóligimen barǵan qutqarýshylar kólik ıesin qutqardy. Avarııalyq-qutqarý jumystaryna Nur-Sultan qalasy TJD 2 qutqarýshysy men 1 tehnıka jumyldyryldy.
Keshke saǵat 19.00-de Arqalyq qalasynda «Arqalyq-Torǵaı» avtojolynda qutqarýshylar qar qursaýynda qalǵan 4 jeńil kólikten 15 adamdy qutqardy. Qutqarylǵandar Arqalyq qalasyna jetkizildi. Olardyń jaǵdaılary jaqsy, medısınalyq kómek qajet bolmady. Avarııalyq-qutqarý operasııasyna Qostanaı oblysy TJD 3 qutqarýshysy men 1 tehnıka jumyldyryldy.