Nıkaragýalyq kóterilisshilerdiń burynǵy jetekshisi Ýgo Torres memleketke opasyzdyq jasady degen aıyppen qamaýǵa alynǵannan keıin segiz aıdan keıin 73 jasynda túrmede qaıtys boldy, dep habarlaıdy Egemen.kz.
Otstavkadaǵy general revolıýsııa kezinde qazirgi prezıdent Danıel Ortegamen birge soǵysyp, 1974 jyly ony túrmeden bosatýǵa kómektesken. Biraq keıin ol «prezıdent Ortegany dıktator boldy» dep aıyptap, oppozısııalyq partııa qurdy.
Torres ótken jyldyń maýsymyndaǵy saılaý qarsańynda tutqyndalǵan oppozısıonerlerdiń biri bolatyn. Úkimettiń málimetinshe, Torres densaýlyǵy nasharlaǵan soń aýrýhanaǵa aýystyrylǵan. Ol belgisiz aýrýǵa baılanysty sol jerde qaıtys boldy.
Torres pen basqa da tutqyndalǵan oppozısıonerlerge Ortega tórtinshi merzim qatarynan jeńiske jetken byltyrǵy saılaýǵa qatysýǵa tyıym salyndy. Oppozısııalyq «Ýnamos» partııasynyń sol kezdegi vıse-prezıdenti Torreske eldiń «ulttyq tutastyǵyna nuqsan keltirý úshin qastandyq jasady» degen aıyp taǵyldy.