Ekinshi orta salmaqtaǵy burynǵy álem chempıony, amerıkalyq boksshy Davıd Benavıdes ulybrıtanııalyq promoýter Eddı Hırnnen amerıkalyq Demetrıýs Andradege qarsy jekpe-jek uıymdastyrýdy ótindi, dep habarlaıdy Egemen.kz Vringe.com-ǵa silteme jasap.
«Jaqynda men Davıd Lemege qarsy sharshy alańǵa shyǵamyn. Árıne, erterek eshteńe aıtýǵa bolmaıdy. О́ıtkeni Davıd Leme jaqsy qarsylas ekeni ras. Jeńiske jetken jaǵdaıda Demetrıýs Andrademen kezdeskim keledi. Ol ekinshi orta salmaqqa kóterilgenin bilemin. Olaı bolsa osy kezdesýdi uıymdastyraıyq, Eddı. Jankúıerler úshin qyzyq jekpe-jek bolatyny sózsiz», dedi AQSh boksshysy óz oıyn túıindep.