Pavlodar oblysyna qarasty Shiderti kenti aýmaǵynda 80 júk kóligi turyp qaldy, dep habarlaıdy Egemen.kz.
О́ńirlik TJD 2022 jylǵy 15 aqpan saǵat 11.00-degi jedel aqparatty usyndy.
– Shiderti kenti aýmaǵynda Qaraǵandy oblysy baǵyty boıynsha 80 birlik júk kóligi jınalyp qalǵan. Shiderti kentinde 2 jylytý pýnkti ashyldy, tamaqtaný uıymdastyryldy. Nur-Sultan qalasy arqyly aınalmaly jolmen shyǵýdan bas tartty, – dep jazylǵan habarlamada.
14 aqpan kúni Qaraǵandy oblysynda aýa raıynyń nasharlaýyna baılanysty (boran, nashar kóriný) Shiderti kentinen Qaraǵandy oblysynyń shekarasyna deıingi respýblıkalyq mańyzy bar Qyzylorda - Pavlodar avtojolynyń ýchaskesinde barlyq avtokólik túrleri úshin qozǵalys jabyldy (1135-1206 km).15 aqpanda saǵat 5:25-ten bastap Qaraǵandy oblysynda respýblıkalyq mańyzy bar Qalqaman – Baıanaýyl – Úmitker – Ýlıanovskıı (138-231 km) avtojolynyń Baıanaýyl aýylynan Qaraǵandy oblysynyń shekarasyna deıingi ýchaskesinde barlyq avtokólik túrleri úshin qozǵalys jabyldy.