Reseıdiń Batys jáne Ońtústik áskerı okrýgteriniń bólimsheleri seısenbide oqý-jattyǵýlardan óz bazalaryna temirjol jáne avtomobıl kóligimen orala bastady, dep habarlaıdy Egemen.kz.
Bul týraly «Interfaks» RF Qorǵanys mınıstrliginiń resmı ókili Igor Konashenkovqa silteme jasap habarlady.
«Ońtústik jáne Batys áskerı okrýgteriniń bólimsheleri tapsyrmalaryn oryndap, temirjol jáne avtomobıl kóligimen búginnen bastap áskerı garnızondaryna qaıtady», dedi Konashenkov.
Ol reseılik áskerıler birqatar aýdandarda oqý-jattyǵýlaryn jalǵastyryp jatqanyn túsindirdi.
«Reseı Federasııasynyń Qarýly Kúshterinde áskerler men kúshterdi jedel daıyndaý boıynsha aýqymdy sharalar kesheni jalǵasýda. Olarǵa barlyq derlik áskerı okrýgter, flottar men áýe-desanttyq kúshter qatysady», - dep atap ótti RF Qorǵanys mınıstrliginiń ókili.
Atap aıtqanda Shyǵys áskerı okrýginiń áskerleri men Reseı Áýe-desanttyq kúshteri Belarýs qarýly kúshterimen «Odaqtastyq sheshim» oqý-jattyǵýyn ótkizip jatyr (10-20 aqpan aralyǵynda).
«Dúnıejúzilik muhıttyń operasııalyq mańyzdy aýdandarynda jáne Reseı aýmaǵyna irgeles teńizderdiń akvatorııalarynda jer ústi kemeleri, súńgýir qaıyqtar jáne teńiz avıasııasy qatysatyn birqatar áskerı-teńiz jattyǵýlary ótkizilýde (13-19 aqpanǵa deıin)», dedi Konashenkov.
Osylaısha, Reseı Ýkraınanyń ýaqytsha okkýpasııalanǵan aýmaqtary men shekara mańynda áskerı bólimderin jınaqtaýdy jalǵastyrýda.