Shvesııa Soltústik Atlantıkalyq alıansqa múshe bolǵysy kelmeıdi. Bul ustanymdy patshalyq úkimeti taǵy da rastady, dep habarlaıdy Egemen.kz.
Syrtqy ister mınıstri Enn Lındeniń parlamentte usynǵan 2022 jylǵy syrtqy saıasat deklarasııasynda Stokgolm NATO-nyń músheligine úmitker bolmaıtyny anyq jazylǵan.
«Shvesııanyń qaýipsizdik saıasaty ózgerissiz qalady. Áskerı odaqtardan azattyq bizge jaqsy qyzmet etedi jáne Soltústik Eýropadaǵy turaqtylyq pen qaýipsizdikke yqpal etedi», dedi Syrtqy ister mınıstri.
Deklarasııada Eýropadaǵy shıelenistiń azaıýyna dıalog arqyly ǵana qol jetkizýge bolatyny, alaıda qarýly qaqtyǵys bolǵan jaǵdaıda Shvesııanyń passıvti pozısııa ustanbaıtyny atap ótilgen.